مديحة حمدي تبكي مستعيدة وفاة زوجها ... الأطباء أعلموها برحيله بعد 6 شهور
08/11/2024 - 11:15
تأثرت الفنانة الكبيرة مديحة حمدي وهي تستعيد رد فعلها والفترة التي عاشتها بعد توقع الأطباء رحيل زوجها إثر اكتشاف إصابته بورم من الدرجة الرابعة.
وقالت مديحة حمدي خلال حوارها مع الإعلامية مروة صبري في برنامج "قعدة ستات" المذاع عبر قناة ألفا: "هو كان نازل يصلي الجمعة، وهو راجع حصل له دوخة وفي ثواني وقع، والناس خدوه المستشفى عمل الجبس ورجع".
وأضافت: "أنا كنت مسافرة ونزلت من الطيارة على مستشفى الشرطة لقيته راقد، وتاني يوم شالوا الجبس وعملوا أشعات مظبوطة واكتشفوا ورم من الدرجة الرابعة، وإن الحالة فاضل لها 6 شهور".
وتابعت مديحة حمدي: "طبعا مقدرتش أقول لأولادي، ورد فعلي حسيت إن ربنا بعتلي بيبي جديد أحطه في حجري، أحلى بيجامات نزلت اشتريتها له، ويوميا الكريمات في إيديه ورجله والبرفيوم اللي بيحبه".
أوضحت مديحة حمدي أن زوجها الراحل شعر باهتمامها الشديد به قائلة: "سألني ليه مش بتنزلي الشغل، قلت له أنا تعبت وعايزة أتمتع بأولادي وأحفادي، وأخدنا جناح في المستشفى وقعدت معاه، ومكنتش بعتمد على أي تمريض".
ووجهت مديحة حمدي رسالة إلى زوجها الراحل قائلة: "أنا بعد ما توفى حسيت إني كنت في طيارة ووقعت، كل حاجة هو كان بيعملها بمسمى إنت ست البيت، وأقول له ما تسيبناش تاني".
اضف تعقيب
الإسم
عنوان التعليق
التعليق
ارسل
You have an error in your SQL syntax; check the manual that corresponds to your MariaDB server version for the right syntax to use near ')) order by `order` ASC' at line 1