تعرضت الممثلة السورية دينا هارون مساء امس الاحد لحادث سير مروع في العاصمة السورية دمشق وكان برفقتها نجلها “كرم” ، حيث أنقذت العناية الإلهية دينا ونجلها.

 

وقد وصفت دينا الحادث بأنه من حسد وعين الناس، ونشرت عبر حسابها الخاص على موقع التواصل الإجتماعي انستغرام صور من الحادث، وعلقت قائلةً “الحمدالله على سلامتنا وعلى كلشي، انا وكرومة ضلينا بخير وما حدا صرلوا شي من الناس وهاد الأهم، بلكي بتنكسر عين هالشوية ناس اللي مو راحمة حدا من الحسد”.

 

من جهة ثانية، وجهت دينا رسالة تحذر من خلالها جمهورها من مرض السرطان وعدم السقوط فريسة سهلة في مصيدته خاصة بعد وفاة زميلتها في الوسط الفني الممثلة رندة مرعشلي بالمرض الخبيث، وأبرز ما جاء الرسالة التي نشرتها عبر حسابها الخاص على الفيسبوك ” روح التحدي رح تكون حاضرة دايما من هاللحظة.. من بعد رحيل الكل بالمرض اللعين اللي ماعاد يقنعني غير انو اسبابو هي الحزن بصمت .. صار لازم ناخد قرارنا ونفرض على حالنا لائحة من الممنوعات اللي رح تحمينا..

ممنوع على اي حدا يخلق الفوضى بروحنا ممنوع الزعل ممنوع التأثر بالغير وتحديدا اللئيم الاناني ممنوع نصدق بعد هلأ انو الناس اللي حوالينا ايجابيين حتى لو اثبتو العكس ممنوع نروح بطيبتنا للاخر وممنوع بالوقت نفسو نكون اشرار وهاد منشانا نحنا بقى .. ممنوع نبكي واذا ضعفنا ممنوع ننكسر .. ممنوع نساير اي مخلوق على حساب مشاعرنا .. ممنوع نكون مسيريين لحساب المسيريين اصلا نحنا خلقنا لنكون نحنا وملك انفسنا وبس مو لحدا تاني .. منعطي بكيفنا اللي نحنا بدنا ياه ومناخد حقنا لانو حقنا بالاصرار على النجاح وبتعبنا”.